Sobre min

O meu nome é Marco Vélez e son profesor de francés na Escola Oficial de Idiomas, ademais de formador de docentes. Apaixóname investigar como a tecnoloxía pode contribuír a transformar a educación. Desde hai anos experimento con distintas ferramentas dixitais na aula e comparto estratexias para integrar a tecnoloxía na ensinanza de linguas dunha maneira crítica, creativa e ética.

O propósito desta web é acompañar ao profesorado no seu camiño cara a unha educación máis innovadora, personalizada e conectada cos retos da sociedade actual. Aquí atoparás reseñas de ferramentas, exemplos prácticos, recursos e reflexións dirixidas a docentes que desexan avanzar e non quedarse atrás.

Tamén xestiono dúas canles de YouTube que complementan os contidos e materiais dispoñibles nesta páxina:

Mr TAC EOI é unha canle en galego dirixida a profesorado de linguas e a todas aquelas persoas interesadas na educación que desexen descubrir o potencial das ferramentas dixitais e da intelixencia artificial na aula. Nela atoparás vídeos prácticos, titoriais sinxelos e ideas inspiradoras para incorporar a tecnoloxía con criterio pedagóxico e sentido educativo.

Langactivité está pensado para profesoras e profesores de francés como lingua estranxeira (FLE). Entre os seus recursos inclúe varios cursos completos de gramática francesa en vídeo para os niveis A, B e C, ademais de exemplos de proxectos e actividades realizadas con alumnado de Secundaria e de Escolas Oficiais de Idiomas.